مشتاق ڦل
ڄامشورو اسان جي پرين جو شھر
آھي ننڍڙو نگر ڄامشورو مگر، آ وڏو پُر اثر
ڄامشورو اسان جي پرين جو شھر
آھي ننڍڙو نگر ڄامشورو مگر، آ وڏو پُر اثر
ڄامشورو اسان جي پرين جو شھر
ڪوئي پنج سال خاموش گھاري ويو
ڪوئي پنھنجي به دل ھت وساري ويو
ھا ڏٺيون ڪيئي بي حس حسين ڇوڪريون
۽ ڏٺا ڪيئي ڇڙواڳ ھت ڇوڪرا
ھن ٻڌيون ڪيتريون ئي ڪھاڻيون ھتي
پڻ ڏٺيون تڙپندي ڪيترون راڻيون ھتي
مون ڏٺو عاشقي جو اکين ۾ اثر
ڄامشورو اسان جي پرين جو شھر
مگر منھنجي محبوب جي ڳالھ ٻيء آ
ھو ”باغي“ جي گيتن جھڙي ڇوڪري آ
بند وسڪي جي بوتل جيان پئي لڳي
مون ته ھن کي پنھنجو پاڻ ارپي ڇڏيو
ھوءَ دل جا دروازا ٽوڙي ھلي وئي
منھنجا خواب ھٿن سان مروڙي ھلي وئي
مگر پوءِ به مشتاق آ مُنتظر
ڄامشورو اسان جي پرين جو شھر.
1 تبصرا:
واهه سائين واهه
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔