ڇڏي شهر تنهنجو مٺا اڄ وڃون

ڇڏي شهر تنهنجو مٺا اڄ وڃون ٿا
اسان پنهنجي دل کان رٺا اڄ وڃون ٿا 
ڪڏهن ڪونہ اچبو اوهان جي شهر ۾
 نہ ماکيءَ کي ڇڏبو ملائي زهر ۾
مٺي شيءِ لئہ مٺڙا مُٺا اڄ وڃون ٿا
 پرين هاڻي پکڙا ڪٿي ڪونہ اڏبا
 نڪي پور پوندا نڪي سور سَلبا
 هزارن ڏکن کان ڇٽا اڄ وڃون ٿا
 حياتيءَ جا ڏينهڙا لنگهي چار ويندا
 اوهان جا نہ وسري هي آزار ويندا
 بنا ڏوھ بيوس ڪُٺا اڄ وڃون ٿا.

شاعري  ❤ تاجل بيوس ❤

مڪمل تحرير ۽ تبصره>>