غزل
مير صوبدار سعيد
ڏکين پيچرن تي هلڻ ڀي سکي وٺ
ڪنڊن تي پيارا گهمڻ ڀي سکي وٺ
اهي ٽهڪا ٽهڪا سدائين نه هوندا
چڱو ٿئي ته مٺڙا روئڻ ڀي سکي وٺ
جتي عشق وارن جا آهن آکيرا
اوتارن انهن ۾ اچڻ ڀي سکي وٺ
هتي پيار تي سخت پهرو لڳل آ
اندر ئي اندر ۾ پچڻ ڀي سکي وٺ
متان واٽ ڀلجي وڃين زندگيء جي
سو رهبر جي پٺيان هلڻ ڀي سکي وٺ
اچانڪ متان چنگ چوري ڪو چارڻ
پنهنجو سر اڏيء تي رکڻ ڀي سکي وٺ
سعيد اڄ سڀان نيٺ رسندين پريئن کي
جو پڇڻو نه منجهڻو پڇڻ ڀي سکي وٺ
.......................................
ماهوار نئين زندگي جي آگسٽ 1987ع جي شماري ۾ ڇپيل
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔