ايوب گل
تو ۾ ٿوري جاءِ ملي ها،
ايڏو ڇو رولاڪ هجان هان؟
مون ته گُهريو هو سانجهي ٽاڻي
تنهنجي اُڀ جو تارو ٿيان هان
يا مان تنهنجي پيرن هيٺيان،
چانڊوڪي جو چارو ٿيان هان
مون ته گُهريو هو ٽاڪ منجهند جو
گهاٽي بڙ جي ڇانؤ ٿيان هان
ماڻهن کي مون منجھ ملين ها،
اهڙو تنهنجي نانءُ ٿيان هان
مون ته گُهريو هو رات لڙي جو،
تنهنجي ٻُڪ ۾ جُگنو ٿيان هان
توکي جيڪر ننڊ اچي ها،
نيڻ چُمان ها، سپنو ٿيان هان
تو ۾ ٿوري جاءِ ملي ها
ڌرتيءَ تي افلاڪ هجان هان
1 تبصرا:
واهه واهه تمام بهترين
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔