غزل
ساحر راهو
هُن حنا سان هو هٿيليءَ تي لکيو
نانءَ ڪنهنجو دل حويليءَ تي لکيو.
ڪنهن ڏُکويل ڏيک جو هو مرثيو.
نوڪ خنجر سان ڦُليليءَ تي لکيو.
ريت جي درياهه ۾ ٻيڙي ٻُڏي.
پاتڻيءَ نوحو سهيليءَ تي لکيو.
پياس جي صحرا ۾ رولي پاڻ کي.
گيتُ مون هڪڙي ٿريليءَ تي لکيو.
هار تي يا جيت تي کُٽندو سفرُ.
وقت انڌيءَ آ پهيليءَ تي لکيو.
باوضُو ٿي هڪ ستاري سانوري.
چنڊ جي مرضي چنبيليءَ تي لکيو.
زندگيءَ جي رات مون عُنوان سان.
هڪ فسانو دل اڪيليءَ تي لکيو.
پوش چهرن جا پُڳا پيغام ڇو.
داستان ساحر ڳهيليءَ تي لکيو.
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔