محبوب دوست پياري شاعر سائين علي بخش منصور سميت سڀني پرديسن جي نانءِ
جميل سومرو
پرانهين پار مان نظرون پکين وانگر اُڏيون هونديون ،
دليون پرديس وارن جون ٻچن لئه رت رُنيون هونديون .
اباڻا ڪَک جڏهن ويٺي اچانڪ ياد پِيا هوندا ،
پَرائِي سر زمين تي ساهه کي هڏڪيون لڳيون هونديون .
چوڻ سوکو ڪَٽڻ اوکو آهي پرديس او پيارا !
انهن کان پُڇ پرينَ کان جن پري راتيون ڪَٽيون هونديون .
ڀريل نيڻن جي نيسر سان مُنجهائي ساهه کي سڪ ۾ ،
ويچارن حسرتون پنهنجون هٿن سان خود وڍيون هونديون .
ڏهاڙا عيد جا ٽيئي ٽنگيل هوندا ٽياسن تي ،
وڇوڙن بيوسن جون ڪيئن چَڪي ٻوٽيون پَٽيون هونديون .
۽ مائٽن جا دُکِي هينئڙا دکيا هوندا رُنا هوندا ،
نديءَ وانگر ڀريل دلڙيون اڃا ويتر ڇُليون هونديون .
— with Irshad Ali
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔