غزل
محمد علي پٺاڻ
غزل جڏهن به لکڻ لاءِ دل گهريو هوندو
اوهان جو درد اندر ۾ ٻڏو تريو هوندو
اسان جا نيڻ اهو پيچرو پسي نه سگهيا
قدم جنهين تي اوهان قرب مان ڌريو هوندو
جڏهن به گهٽ کان پوءِ واءُ ڪو گهليو هوندو
اوهان جي ياد جو ڪو ئي ته پن چُريو هوندو
سکن جي سوجهري جا خواب جنهن ڏٺا هوندا
غمن جي گهُگَهه ڏي واپس نه سو وريو هوندو
اسان جو پهر اوهان کان سوا نه ٿو گذري
اوهان جو سال اسان ريءَ ڀي سريو هوندو
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔