صوفي غمدل فقير
محبوب ناز پرور، رخسار تنهنجو ڪافي،
دارون درد ڦٽي جو، ديدار تنهنجو ڪافي.
هي دانهن مئي جي، دلبر سڻ دوست دلربا،
دلگير کي دلاسو، دلدار تنهنجو ڪافي.
رخ ماهتاب تنهنجو، نيڻن روشن نظارو،
ابرو سندي عبتن مان، انوار تنهنجو ڪافي.
هڪ خال مٽ ڀانيان- لک لعل بدخشان،
يوسف سونهين نه ثاني، سينگار تنهنجو ڪافي.
سڀ حال تو کي معلوم- ڇا بيان چوان درد جو،
مشتاق ساڻ ميلو- منٺار تنهنجو ڪافي.
حسن وارا هزاين- سهڻا سڪن ٿا تولئِه،
هر دم درشن تن کي- درڪار تنهنجو ڪافي .
“غمدل” سدا اداسي- گلزار تو چمن ۾،
گلشن منجهان هڪ گل جو- خوش بهار تنهنجو ڪافي.
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔