غزل
اعظم ڀٽي
نه هٿڙن سان چهرو لڪائي او سهڻا ،
اسان کي نه هر هر جلائي او سهڻا.
اسان يار عاشق ازل کان توهانجا،
ڇڏيون ٿا توهان کي ٻڌائي او سهڻا.
غضب جي ڏکڻ هير هئه هئه لڳي آ،
پئي پيار دل ۾ دُکائي او سهڻا.
ڳراٽي به پائي گلي لڳ اسان سان ،
اچي دل اسان سان ملائي او سهڻا.
سمورو ته جيون ڪري گھورَ سنڌ تان،
سدا نينهن ناتو نڀائي او سُهڻا.
هجي شال آباد ”اعظم“ هي سنڌڙي،
دُعا هيءَ لبڙن تي آهي او سهڻا.
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔