غزل
ايوب کوسو
سدائين رکي ٿئون هي ڇاتي وڏي
ڀلي آزمائي ڪو ڪاتي وڏي ..!
دريائن جي ويجهو رهياسين اڃايل
ڪئي وقت ويساهه گهاتي وڏي.!
اڃان هوءَ اندر جر شهر ۾ رهي ٿي
اڃان هن لئه دل آهي آتي وڏي.!
اُها آ اسان جي اُميدن جي خوشبو
وري جنهن سڳي آهي پاتي وڏي
پرين زرد موسم نهوڙي ڇڏيندي
ائين دير جيڪر تو لاتي وڏي.!
وڇوڙن کي آخر سنڀالي به وٺبو
رهي پيار جي شل حياتي وڏي.!
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔