غزل
نسيم منگي
جو رم جهم سانوڻ برسي ٿو
ڄڻ لوڻ ڦٽن تي ٻرڪي ٿو
مون سمجهو تون آيو هوندين
پر تاڪ هوا تي کڙڪي ٿو
هي ٿڌڙي ٿڌڙي هير الا
من جهومي جهومي ٻهڪي ٿو
منزل جو پوڄاري ماڻهو
ڇو وچ رستي تي سهڪي ٿو
جي خواب اسان ماري به ڇڏيا
ڇو ساه اسان جو سرڪي ٿو
هي سورن جي سڪرات الا
ڪو روئي روئي سڏڪي ٿو
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔