غزل
علي زاهد
سرمئي ڪنهن سار جون ڳالهيون نه ڪر،
اڄ وري سي پيار جون ڳالهيون نه ڪر.
تو جتي مون کي ڇڏيو هو هيکلو،
تنهن ڀريءَ بازار جون ڳالهيون نه ڪر.
ٿي شڪسته ناوَ چئي پاتار کي!
عشقَ جي آزار جون ڳالهيون نه ڪر.
چاهتن جي ڪنهن سفر کان اڳ، پرين،
ماڳ جي اظهار جون ڳالهيون نه ڪر.
تڙپ کان وڌ ڪا به ٻي سُولِي نه آ،
تون اڃان ڪنهن دار جون ڳالهيون نه ڪر.
تنهنجي نيڻن جا سمندر ٿا چون،
'او چريا! پاتار جون ڳالهيون نه ڪر.'
عشق جو ڌاڳو ٻڌي سهڻي وئي،
هاڻ تِک ۽ تار جون ڳالهيون نه ڪر.
ڪو چوي درويش، ڪو زاهد چريو،
رمز ۽ اسرار جون ڳالهيون نه ڪر.
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔