غزل
علي زاهد
پايل سان گڏ ڇا ته ادائون رقصان هِن،
تو تان ٿيڻ لئه گهور، هوائون رقصان هِن.
تنهنجي وک جو رُخ الائي ڇا هوندو؟
اوسيئڙي ۾ چار ڏِسائون رقصان هِن.
منهنجو عشق سدا لئه تنهنجو ٻيلي آ،
منهنجي من جون سڀ وفائون رقصان هِن.
ڪهڙي منهنجي نيڻن ساڻ اٿن نسبت؟
مون سان گڏ گهنگهور گهٽائون رقصان هن.
عشق ڪڏهن ڀي جهونو ٿيڻو ناهي پر،
حُسن حياتي ماڻ بقائون رقصان هن.
منهنجي آڳنڌ ڏي ڪا رات لڙي زاهد!
دروازي تي يار سنجهائون رقصان هِن.
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔