غزل
درد ھوش محمد
وسين پيو وسين پيو پرين تون لامڪان ۾،
ڪڏھن ڏسان ڪڏھن سڪان ٿو جيءَ جي جھان ۾.
ھتي به تون ھتي به تون ملي به ڄڻ نه ٿا ملون،
سڪون ٿي وسين پيو تون دل جي آشيان ۾.
زمين تي ڏسان پيو ته سونھن سونھن تون سدا،
ستارا ڀاڳ ڀونءِ جا لکين ٿو آسمان ۾.
ڦري جو چين ڀونءِ جو انھيءَ کي آدمي نه چئه،
پليت سو پليت آ ضمير جي زبان ۾.
ھميشه عشق ھوش کي کلڻ ڪٿي نه آ ڏنو،
تڏھن لکان رکان پيو ھي درد داستان ۾.
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔