غزل
احمد خان مدهوش
سامهون سڄڻ هجي ۽ نظر ۾ نظر هجي،
پنهجي خبر هجي، نڪي ٻئي جي خبر هجي.
چاهيان اهو نٿو ته ڪو جنت ۾ گهر هجي،
دلبر جو در هجي ۽ سندس در تي سر هجي.
هاريو کٽيو نه آهه محبت ۾ ساربو،
مون کي لڳي ڀلي ڪَس توڏي ڪثر هجي.
هرگز نٿي ڪڏهن به محبت لڪي سگهي،
ڪيڏو کڻي حجاب هجي يا حَذر هجي.
ٻيو ڪجهه هُجي هُجي، نه هجي راهه عشق ۾،
پر جي هجي، فقط غمِ دلبر ثمر هجي.
ڪوئي بغير عشق جي پهچي نٿو سگهي،
توڙي مفاصلو ئي کڻي مختصر هجي.
ساقي نگاهِ مست هجي، رند ڀي هُجن،
محفل ۾ مئي ڪشي جو مزو رات ڀر هجي.
بيشڪ ڏجي انهيءَ کي ”مدهوش“ دل کڻي،
جنهن جي نگاهِ ناز ۾ ڪوئي اثر هجي.
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔