غزل
ڪنعيو شيواڻي
اڪيلو رهڻ اڄ سٺو ٿو لڳي،
چپن کي سبڻ اڄ سٺو ٿو لڳي.
ڪڇي ڪين سگھبو، ڪئي ٿم خطا،
اندر ۾ لڇڻ اڄ سٺو ٿو لڳي.
ملي موٽ مونکي وهڻ کان گھڻي،
پگھر ۾ پسڻ اڄ سٺو ٿو لڳي.
وڏن سان رهي مون وڏائي سکي،
وڏن وٽ جھڪڻ اڄ سٺو ٿو لڳي.
اڌارن پرن سان اڏائي ڏٺو،
زمين تي لهڻ اڄ سٺو ٿو لڳي.
مڃي ڳالهه دل جي، تڪان ٿو کڻي،
امان جو اڱڻ اڄ سٺو ٿو لڳي.
مرڻ ۾ ملي ٿي خدائي خوشي،
خوشيءَ ۾ مرڻ اڄ سٺو ٿو لڳي.
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔