وائي
مختيار ملڪ
تازو گل ٽڙيلُ ، وکري ويو آهي
ڪنهن جي سَرهي سار ۾ ؛
تنهنجَي نيڻَ ـ ڪَجلُ
وکري ويو آهي
صَديِنِ جَي اِتھاس ۾
پيار جو هِڪڙو پَلُ
وکري ويو آهي
آس نِراس جي شهر ۾
__________________
وائي
مختيار ملڪ
پنهنجو مُستقبِلُ
وکري ويو آهي
سپنو تنهنجي ساٿ جو
نيڻن منجهه سَجيلُ
وکري ويو آهي
مومل کان راڻو رٺو
ڪوئي ڪاڪ محلُ
وکري ويو آهي
تنهنجَي سُرَ ۽ ساز سان
منهنجو گِيتُ لِکيل
وکري ويو آهي
پرزا پرزا ٿيو آئينو
ڪوئي عڪس ٽٽل
وکري ويو آهي
پيار جي پهرين بارش ۾
امبر تي بادل
وکري ويو آهي
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔