غزل
علي زاهد
دل جلِيءَ جو نشان ٿو ڳوليان،
جِتِ جلِي سو مڪان ٿو ڳوليان.
ڪيترا درد هِنِ ڪَٺا ٿي ويا!
ڪِٿ کپايان، دڪان ٿو ڳوليان.
ارتقا نئين ڪجي محبت جي،
ڪوئي اهڙو جهان ٿو ڳوليان.
رازداري رکي سگهي جيڪو،
دوستُ اهڙو مهان ٿو ڳوليان.
ٻُڌ ڪليسا، چوي ٿو پاريهر،
“امن جو آسمان ٿو ڳوليان“.
ڇو ته صوفيءَ وڃائِي درويشي؟
اڄ چوي ٿو ته مانُ ٿو ڳوليان.
وقت ٿيو، ويو وڃائجي زاهدُ!
عشق جو داستان ٿو ڳوليان.
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔