رضا بخاري
غزل
مون سان گڏ ڪو آيو هو،
يا منهنجو ئي سايو هو!
نيڻ اڃا اُت ڳوليان ٿو،
مون جت خواب وڃايو هو.
هو منهنجو آئينو پر،
اُن ۾ عڪسُ پرايو هو.
گل تان اُڏري پوپٽڙو،
گهاوَ مٿان ڇو آيو هو؟
ڇرڪي من جي خاموشي،
مون ۾ ڪنهن ڳالهايو هو؟
خود کي مون ته ڀُلايو پر،
توکي ڪينَ ڀُلايو هو.
شام اچانڪ ٿي ويئي،
آنچل تو لهرايو هو.
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔