غزل
انيس انصاري
گلن سان گڏ رهن ٿا خار! ڇا چئجي،
قيامت جا اهي آثار! ڇا چئجي؟
رهي آ ڪين ڪي الفت زماني ۾،
نه ڪو ساٿي، نه ڪوئي يار! ڇا چئجي؟
پٽن کان پي ۽ ڀائر پنهن جي ڀائن کان.
زماني ۾ ڏٺم بيزار! ڇا چئجي؟
ڏسان ٿو مان گهڻو ڪجهه، تنهنجي محفل ۾،
ٻڌڻ سهنجو، چوڻ دشوار! ڇا چئجي؟
ستل آ ساڌ بي خبرو، زماني کان،
ڏٺو مون چور کي بيدار! ڇا چئجي.
پيالن تي پيالا پي به جاڳن ٿا،
رڳو تون بي پئي سرشار! ڇا چئجي؟
ڏسو سٽ جي بها تي يوسف ڪنعان،
وڪامي ٿو سر بازار! ڇا چئجي؟
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔