استاد بخاري
هڪ موت مَئي جو ڀَئو سُهڻا !!!
ٻيو تون مان نٿو ٿِئي ڍئو سُهڻا !!!
ڊوڙي ڊوڙي تنهنجي واڳ وٺان،
توکي چنبڙي تنهنجو چاهُ چُمان،
جي بهڪيون ڳالهيون بخش ڪجانءِ
مون مُحبت جو آهي مئو سُهڻا !!!
هڪ عمر ۾ آخر ڇا جيئندس؟
ڪم ڪار ڪندس، يا پيار ڪندس
ڇا کلندس توسان ، ڇا ملندس؟
مون کي عمريون هُجن ها سئو سُهڻا !!!
تنهنجي سِڪ ۾ سڪان ڪوٺين سِڪڻو،
تنهنجي سامهون روئان سمجهين روئڻو،
تولاءِ رُلان چوين ٿو رُلڻو،
جيڪو چوڻو اَٿئي سو چئو سُهڻا!!!
استاد جا ازخود نيڻ ڀِڳا،
ڇو ٿو هر هر ڏين اِهي ويڻ تِکا،
جيڪي ماڻهون آهن ميڻ مٺا،
سي ڪٿ ٿا سَهن ايڏو تئو سُهڻا!!!
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔