غزل
ماهين هيسباڻي
جانِ جانان ويو، زندگي وئي رسي!
چنڊ چهڪڻ ڇڏيو، چانڊوڪي وئي رسي!
تو پڄاڻان پرين ڪنهن جي پوڄا ڪيان،
ديوتا ڪو نه هو بندگي وئي رسي!
درد ايڏا مليا ٿي وئي دل پٿر،
دل ته آهي مگر دل لڳي وئي رسي!
مان لڇان پنهنجي پر، عشق آ بي خبر،
هاءِ اف ڀي نه ڪيم، عاشقي وئي رسي!
تو جو مرڪيو، ٿيو غم الم منتشر،
نيڻ روئي کنيئي، آرسي وئي رسي!
ٻانهن ٻيڻي ڪري، تون سمهين جو پئين،
مان ته جاڳان پئي، ننڊڙي وئي رسي!
اي ڀٽائي! افق تي تون جرڪين پيو،
شعر لکجي پيو، شاعري وئي رسي!
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔