غزل
نثار بزمي
موت جهڙي زندگيء کان شل بچين
زندگيء جي گندگيء کان شل بچين
رهزنن جي رهبريء کان شل بچين
رهبرن جي رهزنيء کان شل بچين
غم نڀائي ٿو سگهي انسان سان
چئن گهڙين جي خوشيء کان شل بچين
جيڪا تنهنجي دل ڪري ٽڪرا ڇڏي
يار ! اهڙيء دلبريء کان شل بچين
دشمنن جي دوستي پوء ڀي چڱي
دوستن جي دشمنيء کان شل بچين
عقل جا آزار ٿا جهوري وجهن
فڪر ۽ فرازانگيء کان شل بچين
ابتريء ڏي جا وٺي توکي هلي
بزمي اهڙي بهتريء کان شل بچين
.......................................
ماهوار لطيف ڊائجسٽ جي جون
1986ع جي شماري ۾ ڇپيل
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔