تنوير عباسي
سدائين ائين ڪين گهٻرائبو آ
کُليءَ دل سان ڪڏهن ته ڳالهائبو آ
نه شوخن سان دل کي ڪو اٽڪائبو آ
جي اٽڪائبو آ ته پڇتائبو آ
ٻين جي اڳيان جيئن شرمائجو ٿا
اسان جي اڳيان ايئن نه شرمائبو آ
سڄي عمر پڙهبو پيو آ سبق هڪ
پنو عشق جو ايئن نه اٿلائبو آ
زبان مان جڏهن ڪو اکر ڪين اُڪلي
انهيءَ وقت اکڙين سان ڳالهائبو آ
اوهان سان رڳو دل کي وندرائبو آ
نه کٽبو ئي آهي نه هارائبو آ
ڪڏهن دشمنن ۾ به ڊپ ناهي ٿيندو
ڪڏهن دوستن ۾ به گهٻرائبو آ
تڏهن شعر تنوير لکبو آ پاڻهي
جڏهن گهاءُ دل تي ڪوئي کائبو آ
سدائين ائين ڪين گهٻرائبو آ
کُليءَ دل سان ڪڏهن ته ڳالهائبو آ
نه شوخن سان دل کي ڪو اٽڪائبو آ
جي اٽڪائبو آ ته پڇتائبو آ
ٻين جي اڳيان جيئن شرمائجو ٿا
اسان جي اڳيان ايئن نه شرمائبو آ
سڄي عمر پڙهبو پيو آ سبق هڪ
پنو عشق جو ايئن نه اٿلائبو آ
زبان مان جڏهن ڪو اکر ڪين اُڪلي
انهيءَ وقت اکڙين سان ڳالهائبو آ
اوهان سان رڳو دل کي وندرائبو آ
نه کٽبو ئي آهي نه هارائبو آ
ڪڏهن دشمنن ۾ به ڊپ ناهي ٿيندو
ڪڏهن دوستن ۾ به گهٻرائبو آ
تڏهن شعر تنوير لکبو آ پاڻهي
جڏهن گهاءُ دل تي ڪوئي کائبو آ
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔