غزل
رخسانه پريت چنڙ
وري راھ مقتل جي اڄ ڪنھن پڇي آ
وري بيقرارين جي موسم لٿي آ
،ڇڙي جنگ ناحق ۽ حق جي وئي آ
.جو جلاد چادر سسين سان سٿي آ
نه ئي ڪوئي بادل نه ڪا ڇت ڇپر آ
اسانجي سفر ۾ نجيِ ڌر تتي آ
ڀلي ماڻجو دل لڳيون پيا سڀئي پر
انھن کان به پڇجو، جنين دل ڀڳي آ
وڃايل بھارن ۾ ھٻڪارون ڪھڙيون
سڃاتاسين، جن ساري خوشبو کسي آ
ھليا شھر جانان ڏانھن سڀ ڪجھ ھو تياڳي
مگر واٽ تن سان ڪري وئي ٺڳي آ
اڃان عڪس روشن ڏسئون آرسين ۾
نه آڱر اڃان حوصلن جي ڇڏي آ
پتو ڪنھن رکيو عاشقين جي سفر جو
۽ تاريخ ڪنھن دل لڳين جي لکي آ
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔