غزل
سعيد
ميمڻ
ڀٽڪندڙ آرزو نيٺ ڇا ٿي گهري؟
دل وري هلڻ جا حوصلا ٿي گهري.
حادثن منجهه مقصد آ ڀلجي وئي،
زندگي منزلن جا پتا ٿي گهري.
پنهنجي بيمار پيءُ جي حياتيءَ لئه،
ننڍڙي نياڻي خدا کان دعا ٿي گهري.
عشق پنهنجو سدائين سلامت رهي،
زندگي موت کان پوءِ بقا ٿي گهري.
دل اسان جي ڏکن ۾ ٿي لُڙهندي وڃي،
تنهنجي ٻانهن سندا هيءَ ٻَنا ٿي گهري.
پيار جي باغ ۾ شعر گلڙن جيان،
تن کي بد ذوق ساڙڻ هوا ٿي گهري.
ڪئن وفا جون حدون ’سعيد‘ اورانگهيون؟
هوءَ اسان کان رکڻ فاصلا ٿي گهري.
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔