غزل
ادل سومرو
ڪهڙين ڪهڙين تُهمتن کي سارجي،
آرسيءَ کي مُنهن ڪهڙو ڏيکارجي !
هرڪا بازي هارجي آهي وئي،
هانءُ ٿو هاڻي رُڳو بس هارجي.
وقتَ پيرن ۾ لتاڙي آ ڇڏيو،
ويندڙن کي ڪيترو بيهارجي.
تُنهنجي باري ۾ چون ٿا راءِ ڏي،
سمنڊ بابت ڇا ڀلا ويچارجي.
خانقاهن ۾ گذاريو آ گھڻو،
ڪجھ ته رندن سان به گڏجي گهارجي.
ٻيو ته ارپڻ لاءِ ڪجھ ناهي بچيو،
پاڻ کي ٻوڙي به توکي تارجي.
ڪوبه ٻوٽو جي نٿا ٻاري سگھون،
ڪا ته وائي ڪو غزل ئي ٻارجي.
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔