ڪيڏو جلدي ڏينهن کُٽي ٿو

نظم

ارم محبوب 

ڪيڏو جلدي ڏينهن کُٽي ٿو
پيار ڀريو ڄڻ نينهن ٽٽي ٿو
اوجاڳيل اوجاڳيل رستن تي جيئن
ماٺ جو ڪارو مينهن وسي ٿو
ڪيڏو جلدي ڏينهن کٽي ٿو
چنڊ مُک تان جيئن بادل سُرڪي ڪو
يا جهوٽو ڪوئي گل چمي ٿو
ننڍڙي جيون سان ريس پڄائي
ڪيڏو جلدي ڏينهن کٽي ٿو
گهڙيون پل ڪلاڪ ته سڀ بس
دل ڀرپائڻ جون ڳالهيون آهن
سچ جي ڳولها ڪير ڪري ٿو
ڪيڏو جلدي ڏينهن کٽي ٿو
پيار ڀريو ڄڻ نينهن ٽُٽي ٿو

( ڪتاب : ۽ پوءِِ......)

مڪمل تحرير ۽ تبصره>>

مان جي بدلجي ويس ڇا ٿيو

ارم محبوب

موسم بدلجي ويندا آهن
رنگ به آخر اڏري ويندا هن
سرهاڻ به ته ساٿ ڇڏي ويندي آ
مان جي بدلجي ويس ڇا ٿيو
حال به ته ماضي ۾ لڪندو آ
عڪس به ڌنڌلا ٿي ويندا آهن
چهرا به بدلجي ويندا آهن
مان جي بدلجي ويس ڇا ٿيو
سنگ ساٿ به ڇٽجي ويندا آهن
سپنا به ته ڀڄڻ لا ٿيندا آهن
ساٿي مان به ته آخر انسان آهيان
مان جي بدلجي ويس ڇا ٿيو

مڪمل تحرير ۽ تبصره>>

سپنا ته ٿين ئي سپنا

سندر سپنا

ارم محبوب

سپنا ته ٿين ئي سپنا
پر جي ڀلجي
ڪڏهن ڪو سپنو
سچ بڻجيو وڃي
ته به الائي ڇو
اهو سچ
من کي
ڪنهن سندر سپني جيان
لڳي ٿو

مڪمل تحرير ۽ تبصره>>

ماٺ جڏهين به ڳالهائي ٿي اکر اکر ڄڻ سمجهائي ٿي

ارم محبوب

ماٺ جڏهين به ڳالهائي ٿي
اکر اکر ڄڻ سمجهائي ٿي
اونداهه به سڀ ڪجهه ڄاڻي ٿي پر
ڪيڏا راز لڪائي ٿي
نيڻن جي بندر تي خواب ڪي لاهي
رات ته پاڻ ملهائي ٿي پر
آڳ اندر ۾ هر هر ٻاري
ڪيڏو جيءَ جلائي ٿي

مڪمل تحرير ۽ تبصره>>