شاعري جاڳي پوي ٿي زندگي جاڳي پوي ٿي

ملهار چانڊيو

غزل

شاعري جاڳي پوي ٿي 

زندگي جاڳي پوي ٿي

جي ڏسي ٿي عڪسُ تنهنجو 

آرسي جاڳي پوي ٿي

رات ٿي ڪا تات ٻاري

روشني جاڳي پوي ٿي

جام نيڻن جا ڇُلن ٿا 

بيخودي جاڳي پوي ٿي

مند ٿي ملهار ڳائي

۽ مٽي جاڳي پوي ٿي

 

مڪمل تحرير ۽ تبصره>>

نيڻَ کڻ ملهار ڏي ڪو غزل تو تي لکان

غزل

ملهار چانڊيو

واسُ مان جيڪر هُجان

ساهه تنهنجي ۾ لهان

خوابُ جي تنهنجو اچي

جاڳ کي ڀُلجي وڃان

ڀل سِڪي هُو چنڊُ ڀي

مان رُڳو تو کي ڏسان

پيارَ جا پرڙا ملن

مان هوائن سان اُڏان

نيڻَ کڻ ملهار ڏي

ڪو غزل تو تي لکان

مڪمل تحرير ۽ تبصره>>

بيخودي ، بيخودي, پيار جي مئڪشي

غزل

ملهار چانڊيو

بيخودي ، بيخودي
پيار جي مئڪشي

موت جهڙِي لڳي
تو سوا زندگي

آهي دل جي پڪي
درد سان دوستي

خوف ۾ مبتلا
آدمي آدمي

لڙڪ ملهار جا
ٿي پيا شاعري

مڪمل تحرير ۽ تبصره>>