مريم مجيدي
اسان سنڌ جي جاڳ آهيون...
اسان
سنڌ جي جاڳ آهيون سڄڻ!
اَجهڻ
ننڊ جا نيڻ ناهيون سڄڻ!
سدا
سج وانگر سجاڳي رکيون،
جُڳن
کان اوجاڳيل اسان جون اکيون،
اسان
جوڳ کي جيءُ جو ڀانيو سمر،
ازل
کان اسان جو آ جاري سفر،
شعور
۽ فڪر جون لتاڙي حدون،
تخيل
جي دنيا کان اڳتي وڌون،
تصور
جون تڪڙيون ٻرانگهون ڀري،
ڏيون
مات ظلمات جي رات کي،
سوين
سوجهرن جا سهيڙِي ڪٽڪ،
ڪريون
ننڊ ولاتن تي لشڪر ڪشي.
اونداهي
جون ڊاهي گفائون، پناهون،
ٽوڙي
لات منات جا بُت سڀئي،
ڀوريون
ڪوڙ جا ڪوٽ، ڪُفر جا قلعا،
جبر
جي جٿن کي شڪستون ڏيئي،
فتح
جي ڪري ماڳ تي روشني،
جنجهيل
جوت سان ٿا جڙيون رهگذر،
اَڏيون
سک جون وسنديون ۽ سچ جا شهر،
چانڊوڪي
سا چلڪيل جاڳرتا جا گهر،
ڀٽائي
جي پيغام جهڙا ننگر!
اسان
سنڌ جي جاڳ آهيون سڄڻ!
صبح
ڏانهن اسان جو آ جاري سفر!
0 تبصرا:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔